IP 02/24 Interpellasjon: Hovedkjøkken v/Sandetun
Sande Sp v/Hans-Petter Hjelle:
Det har våre fleire oppgraderingar ved Sandetun dei siste åra, men eg har ikkje høyrt noko om at kjøkkenet har vorte skikkeleg oppgradert. Eg vil derfor be om at administrasjonen kan gi ein enkel status rapport på korleis forholda er på denne avdelinga på Sandetun. Dette er med tanke på den økonomiske situasjonen i kommuna, slik at vi ikkje blir overraska med store uventa kostnadar.
Eg hadde settstor pris på om følgande punkt blir tatt med, men ikkje avgrensa til;
• Arbeid som har blitt utført deisiste 5 åra.
• Langsiktige planlagde oppgraderingar/behov.
• Akutte behov.
• Tilstand på fast utstyr (ventilasjon, ovnar, kjøle/frys, oppvask osv.).
• Tilstand på lokalet.
• Status på lager kapasitet, Tørr, Kjøl og Fryse kapasitet.
• Reinhald (er det enkelt å spyle/vaskened golv og arbeidsflater, fall tilslukar osv.)
• Kjøp og vedlikehald av utstyr; Blir dette utført av lokale Storkjøkken/Bysse utstyrs leverandørar (Ja dette finst på søre sunnmøre) eller er dette utført av selskap som har høge reiseutgifter når det oppstår et problem.
• Avvik; Har det vore avdekt/innrapportert avvik dei siste 3 åra frå til dømes, Mattilsynet, eksterne kvalitetssikrings partnerar, eigne ansatte eller avdekte forhold igjennom intenkontrollar på rutiner.
Interpellasjonen er svara på med orienteringssak 04/24.
IP 03/24 Interpellasjon: Sosial ulikskap, også i Sande?
Sande Ap v/Marthe Longva Strandbakken:
Helsedirektoratet presenterte denne månaden ein rapport om sosial ulikskap i helse som viser store sosiale ulikskapar i samfunnet. Ulikskap i dødelegheit syner at mange sjukdommar kan og bør førebyggjast. Vi må samarbeide betre på tvers av sektorar i folkehelsearbeidet, då helse påverkast av mange faktorar utanfor helsesektoren. Det er stort potensiale for å redusere unødvendig sjukdom gjennom å jamne ut sosiale ulikskapar.
Barn si helse påverkast av låg sosioøkonomisk status, som igjen påverkar omsorgsbetingelsane og dermed barna si utvikling. Økonomiske utfordringar kan føre til dårleg psykisk helse hjå foreldra, og dårlege bustadforhold, rusproblem og psykiske lidingar er vanlegare blant familiar med låg inntekt. Dette påverkar barns utvikling og deira moglegheiter for utdanning, jobb og yrkesval seinare i livet.
For å hjelpe desse familiane treng ein ikkje berre økonomisk støtte, men også gode offentlege tenester som helsestasjon, barnehagar, skular og SFO, samt støtte og veiledening til foreldra. Det er viktig å sørgje for treffsikre tenester slik at fleire barn kan oppleve ein trygg og omsorgsfull heim samt opplever eit godt miljø om ein er i barnehagen, på skulen eller SFO.
I Sande kommune, grunna få barn på dei ulike klassetrinna, er det vanskeleg å få ein fullstendig oversikt på ulike tema gjennom til dømes Ungdata-undersøkingar. Vi må derfor lytte til fagfolk på helsestasjonen, i barnehagar, SFO og skular. Utdanningsforbundet har peikt på at dagens situasjon i skulen ikkje er haldbar: barna våre får ikkje alltid dekt sine behov i løpet av skuleåret.
Når ein då ser på kutta som blei gjort i haust med blant anna vakant stilling som ungdomsarbeidar, kutt i kulturmidlar, kutt i fysiotenesta og ser no på forslag til kutt i kulturskulen, forslag til interkommunalt PPT og liknande må vi som politikarar vakne, for igjen er det framtida vår vi ikkje satsar på. Vi må prioritere på den måten at grunnlaget for barna og familiane er gode, ein tek gode val og er godt rusta til kvardagen og det livet elles byr på.
Ein veit at utfordringane som ein møter til dømes i skulen ikkje kan handterast av berre læraren, og Sande kommune er snart den einaste kommuna i 7-stjerna som ikkje har miljørettleiar i skulen. Vi veit at dette er ei viktig faggruppe for å være ei støtte der læraren kjem til kort. Ein har helsesjukepleiar i skulen, men som rapporten beskriv treng ein ei større tverrfagleg gruppe, som her kunne vore: skule, fysioterapi, helsesjukepleiar, miljørettleiar. Ungdomsarbeidaren i kommunen var ein samlande funksjon som sørgja for at ungdomane i kommunen møtast på fritida gjennom ein felles møteplass og var med på å skape gode øyeblikk til tross for at ressursane var små, igjennom ungdomsrådet veit vi at dette er noko ein saknar i dag.
Sande Arbeidarparti vil at det nye kommunestyret, gjerne også vararepresentantar skal gjennomgå samfunnsplanen og verdiane våre for å sjå korleis vi skal prioritere ilag og tenke på Sande kommune i framtida – vi må være ei kommune som ønsker å ha tilbake alle dei kjekke ungdomane våre, som buset seg og stiftar familie her. Då må vi ha ein god politikk, som kjem alle til gode, vi må ha kontinuerleg satsing og fokus på førebyggjande og helsefremjande arbeid med barn og unge. Dette inkluderer blant anna å prioritere kompetanse inn der barn og unge er, gjeninnføre ungdomsarbeidaren, og skape sosiale møteplassar for ungdom. Vi må spele meir på lag med lag og organisasjonar - for vi har sosial ulikskap også her i kommunen, og det er noko vi samla kan og bør gjer noko med!
Svar på interpellasjonen frå ordføraren:
Vi tenkjer gjerne at vi lever i eit velferdssamfunn med små skildnader, der dei aller fleste får mulegheit til utdanning og jobb, og ikkje minst der alle har rett til helsehjelp. Internasjonale undersøkingar viser også at Noreg har mindre sosiale skildnader enn dei fleste andre land i Europa. Likevel tyder fleire nye rapporter på aukande inntektsskildnader i det norske samfunnet. Det er fleire som veks opp i lavinntektsfamilier. Frå statistisk hald vert dette til dels forklart med innvandring frå fattige land, og at fleire born veks opp i hushaldningar med berre ein forelder. Slike skildnader kan over tid påverke om ein havnar innanfor eller utanfor fellesskapet. Handlar også om sosial rang.
Ja, vi har sosial ulikskap, også i Sande. Og korleis skal vi arbeide med utfordringane? Vi har relevante data gjennom helseundersøkinga i 2021 i regi av M&R fylkeskommune og Folkehelseinstituttet der deltakinga var så god at den ga talmateriale på kommunenivå. Så har vi Ungdata kartlegging retta mot born og unge. Her har Sande kommune delteke over tid og vi kan sjå trendutvikling målt mot fylke og nasjon. Vidare hadde vi ei stor innbyggarundersøking i Sande kommune i samarbeid med Distriktssenteret i 2021. Nemnde undersøkingar er omtalte i vår samfunnsplan Leve livet i Sande 2022-2034. Når eg først er inne på samfunnsplanen: Den har visjonsbildet «Sande – i lag!» der tråden er «fellesskap som er inkluderande, likeverdig og trygt», og har verdisettet Mangfold – Humor – Ansvarleg. I det heile er samfunnsplanen vår gjennomsyra av at dei største mulegheitene våre går gjennom den sosiale berekraftsdimensjonen.
Heldigvis er det slik tema at sosial ulikskap/utanforskap for tida får stor merksemd i samfunnsdebatten. I nyttårskonferansen i regi av KS, statsforvalteren og fylkeskommunen var dette hovudtema, og det same under North West-dagane i Ålesund siste dagane i april d.å.
Elles støttar eg fullt ut interpellanten si påpeiking av behovet for tverrfagleg samarbeid og samarbeid kommune - lag og organisjonar.
Alt i alt må vi gjennom god styring og prioritering i større grad prioritere dei unge. Difor er det umåteleg viktig at vi i felleskap snarast får kontroll over kommuneøkonomien.