Pixabay

Vi treng to nye medlemmer til ungdomsrådet i Sande kommune. Du må vere over ungdomsskulealder, og kunne representere ungdom for heile kommunen.

Kvart år skal det i månadsskiftet august/september gjennomførast val av to nye medlemmer til ungdomsrådet i Sande. Ungdomsrådet skal bestå av ti medlemmar i alderen 13-20 år.

Ungdomsrådet skal vere ungdomen sitt talerøyr overfor politikarar og beslutningstakarar, og skal ha ei rådgjevande rolle for kommunen og fylkeskommunen.

Rådet skal representere interessene til ungdommen i kommunen, eller i fylket og har rett til å uttale seg i alle saker som gjeld ungdom. Ungdomsrådet kan også ta opp eigne saker. Medlemmene i rådet vert valde for inntil to år om gongen

Klimakonferanse Breidablik 23.09.19 Sande kommune

Ungdomsrådet skal mellom anna arbeide for:

• Tilrettelegging av aktivitetar for ungdom i kommunen
• Reell medverknad i den politiske beslutningsprosessen i kommunen
• Forståing for behova til denne aldersgruppa
• Å gjere Sande til ei meir attraktiv kommune å bu og etablere seg i

Ungdomsrådet kan gjere eigne vedtak innanfor dei rammer som kommunestyret til ei kvar tid vedtek. Ungdomsrådet har om lag åtte møter i året, men rådet kan innkallast etter behov.

Dersom du kan tenkje deg å vere medlem i ungdomsrådet, så kontakt Elin Almestad på e-post: elin.almestad@sande.kommune.no innan 29. september.